Qorǵanys mınıstri Prezıdentke byltyrǵy atqarǵan jumysy týraly esep berdi
ASTANA. KAZINFORM - Memleket basshysy Qorǵanys mınıstri Rýslan Jaqsylyqovty qabyldady, dep habarlaıdy Aqordanyń baspasóz qyzmeti.
Prezıdent – Qazaqstan Respýblıkasy Qarýly Kúshteriniń Joǵarǵy Bas qolbasshysy Qasym-Jomart Toqaevqa qorǵanys vedomstvosynyń byltyr atqarǵan qyzmeti týraly esep berildi.
Memleket basshysyna armııanyń jaýyngerlik daıyndyǵynyń jaı-kúıi men áskerlerdi daıarlaýdyń jańa tásilderi jóninde baıandaldy.
Rýslan Jaqsylyqov memlekettik qorǵanys tapsyrysyn oryndaý, áleýmettik jáne ıdeologııalyq jumystardy júrgizý, sondaı-aq áskerı ınfraqurylymdy damytý barysy jaıynda aıtty.
Kezdesý sońynda Joǵarǵy Bas qolbasshy Qasym-Jomart Toqaev mınıstrge armııanyń jaýyngerlik áleýetin kóterýge, basqarý úderisterin odan ári tsıfrlandyrýǵa, Arnaıy operatsııalar kúshterin damytýǵa, áleýmettik-ıdeologııalyq jumystardy kúsheıtýge qatysty naqty tapsyrmalar berdi.
Osyǵan deıin Májilistiń rezervtegi áskerı qyzmetke qatysty zańdy qabyldaǵanyn jazdyq.