Qorǵanys mınıstri Prezıdentke bıylǵy atqarylǵan ister jóninde esep berdi

ASTANA. KAZINFORM - Memleket basshysy Qorǵanys mınıstri Rýslan Jaqsylyqovty qabyldady, dep habarlaıdy Aqordanyń baspasóz qyzmeti.

Rýslan Jaqsylyqov qorǵanys vedomstvosynyń bıylǵy atqarǵan qyzmeti týraly esep berdi.

Qorǵanys mınıstri:

bólimshelerdiń jaýyngerlik daıyndyǵy men qarýly kúshter qataryna kúzgi shaqyrý naýqanynyń nátıjeleri, sondaı-aq áskerı qyzmettegi tártip pen qaýipsizdikti nyǵaıtýǵa, áskerı qyzmetshilerdiń áleýmettik mártebesi men jalaqysyn arttyrýǵa baǵyttalǵan sharalar jóninde baıandady;

armııanyń jaýyngerlik áleýetin kezeń-kezeńimen kóterý jáne áskerdi daıarlaýdyń jańa tásilderine kóshý máselelerine aıryqsha nazar aýdarylǵanyn aıtty;

memlekettik qorǵanys tapsyrysynyń oryndalý barysyn jetkizip, áskerdiń qarý-jaraq pen tehnıkanyń jańa úlgilerimen, atap aıtqanda, ushqyshsyz basqarylatyn avıatsııalyq júıelerimen, radıoelektrondyq kúres keshenderimen jaraqtandyrylyp jatqanyn habardar etti.

Qasym-Jomart Toqaev elimizdiń bitimgerlik kontıngentiniń BUU aıasynda Golan jotalarynda atqaryp jatqan qyzmeti mańyzdy ekenin atap ótti.

Kezdesý sońynda Prezıdent – Qazaqstan Respýblıkasy Qarýly Kúshteriniń Joǵarǵy Bas qolbasshysy Qasym-Jomart Toqaev mınıstrge otandyq qorǵanys kásiporyndarymen ózara yqpaldastyqty jandandyrý, aýmaqtyq qorǵanys pen arnaıy operatsııa kúshterin damytý, áleýmettik-quqyqtyq jumysty kúsheıtý jóninde naqty mindetter júktedi.

Osyǵan deıin Qazaqstan men Ózbekstannyń áskerı qyzmetshileri birlesip, «Forısh» taýly polıgonynda «Hanjar-2024» taktıkalyq arnaıy oqý-jattyǵýyn ótkizgenin jazdyq.