Qorǵanys mınıstri qaza tapqan jáne zardap shekken áskerı qyzmetshilerdiń týystarymen kezdesti
ASTANA. KAZINFORM — Qorǵanys mınıstri general-maıor Aıdos Myrzahmetov ár jyldary áskerı qyzmet ótkerý kezinde qaza tapqan jáne aýyr jaraqat alǵan áskerı qyzmetshilerdiń týystarynan quralǵan bastamashyl toppen kezdesti.
Azamattardy qabyldaýǵa Bas áskerı prokýror men QR ІІM Ulttyq ulanynyń ókilderi de qatysty.
– Qorǵanys mınıstrligi qaza tapqan jáne zardap shekken áskerı qyzmetshilerdiń otbasynyń qaıǵysyna ortaqtasyp, týystarynyń ótinishterine túsinistikpen qaraıdy. Árbir ótinish muqııat qaralyp, naqty jaýap beriledi, – dep atap ótti qorǵanys vedomstvosynyń basshysy.
Kezdesý sońynda mınıstr árbir jaǵdaımen jeke tanysyp, usynylǵan materıaldardy zerdeleıtinin málimdedi.
Túrkistandyq sarbazdyń anasy ulynyń densaýlyǵyna alańdaýly ekenin buǵan deıin jazǵan edik.
Áskerde soqqyǵa jyǵylǵan aqtaýlyq sarbazdyń anasy ulynyń jaǵdaıy týraly aıtty.
Almaty oblysynda sarbaz áskerı bóliminiń tórtinshi qabatynan qulap ketti.
Aqtaýdan áskerge shaqyrylǵan sarbaz Aqtóbedegi áskerı bólimde serjanttar tarapynan birneshe ret soqqyǵa jyǵylǵanyn málimdedi.
Aqtóbede sarbazdyń qabyrǵasyn syndyrǵan áskerı qyzmetshi sottaldy.
