Qorǵanys mınıstri qaıta taǵaıyndaldy

ASTANA. KAZINFORM - Qorǵanys mınıstri Rýslan Jaqsylyqov qaıta taǵaıyndaldy.

«Memleket basshysynyń Jarlyǵymen Rýslan Fatıhuly Jaqsylyqov Qazaqstan Respýblıkasynyń Qorǵanys mınıstri laýazymyna taǵaıyndaldy», — delingen Aqordanyń resmı saıtyna jarııalanǵan qujatta.

Aıta keteıik, Rýslan Fatıhuly 1966 jyly 4 naýryzda Almaty oblysy Qaskeleń qalasynda dúnıege kelgen.

I.S. Konev atyndaǵy Almaty joǵary jalpyáskerı komandalyq ýchılışesin (1987 jyl), M.V. Frýnze atyndaǵy Áskerı akademııasyn (1996 jyl), Reseı Federatsııasy QK Bas shtaby Áskerı akademııasynyń Joǵary akademııalyq kýrstaryn (2004 jyl) bitirgen.

Pedagogıka ǵylymdarynyń kandıdaty.

Áskerı ataǵy: general-polkovnık (2022 jyl).

1987–1988 jj. – Orta Azııa áskerı okrýgy motoatqyshtar polki motoatqyshtar vzvodynyń komandıri.

1988–1989jj. – Orta Azııa áskerı okrýgy motoatqyshtar polki barlaý vzvodynyń komandıri.

1989–1992jj. – Túrkistan áskerı okrýgy motoatqyshtar polki barlaý rotasynyń komandıri.

1992–1993jj. – barlaý motoatqyshtar polkiniń bastyǵy.

1996j. – Qazaqstan Respýblıkasynyń Qarýly Kúshteri gvardııalyq oqý-jattyǵý ortalyǵynyń barlaý bastyǵy.

1996–1997jj. – Qazaqstan Respýblıkasy ІІM ishki áskerler brıgadasynyń shtab bastyǵy.

1997–1998jj. – Qazaqstan Respýblıkasy ІІM ishki áskerleriniń polk komandıri.

1998–2000jj. – Qazaqstan Respýblıkasy ІІM ishki áskerleri jedel taǵaıyndaý polkiniń komandıri.

2000–2004jj. – Qazaqstan Respýblıkasy ІІM ishki áskerlerdi jedel taǵaıyndaý brıgadasynyń komandıri.

2004–2006 jj. – Qazaqstan Respýblıkasy ІІM ishki áskerler brıgadasynyń komandıri.

2006–2007 jj. – Qazaqstan Respýblıkasy ІІM ishki áskerler qolbasshysynyń orynbasary.

2007–2008jj. – qolbasshysynyń birinshi orynbasary – Qazaqstan Respýblıkasy ІІM ishki áskerler bas shtabynyń bastyǵy.

2008–2013 jj. – Qazaqstan Respýblıkasy ІІM ishki áskerler qolbasshysy.

2013–2014 jj. – Qazaqstan Respýblıkasy ІІM ishki áskerlerdiń bas qolbasshysy.

2014–2021 jj. – Qazaqstan Respýblıkasy Ulttyq ulanynyń bas qolbasshysy.

2021 jylǵy qyrkúıekten 2022 jyly qańtar aralyǵynda – Іshki ister mınıstriniń orynbasary – Qazaqstan Respýblıkasy Ulttyq ulanynyń bas qolbasshysy.

2022 jylǵy 19 qańtardan qaıta taǵaıyndalǵanǵa deıin – Qazaqstan Respýblıkasynyń Qorǵanys mınıstri.