Qorǵanys mınıstri BQO aýmaǵyna dron qulaýyna qatysty pikir bildirdi

ASTANA. KAZINFORM — Qorǵanys mınıstri Dáýren Qosanov Batys Qazaqstan oblysy aýmaǵyna dron qulaýyna baılanysty pikir bildirdi.

— Búginde ár oqıǵa boıynsha tergeý júrip jatyr. Ár oqıǵaǵa qatysty tergeý qorytyndysy jarııa etiledi. Aldyn alý sharalaryn qabyldadyq. Áýe shabýylyna qarsy qorǵanystyń jyljymaly toptaryn kúsheıttik. Ushaqtardy, tikushaqtar men joıǵysh ushaqtardy jaýyngerlik kezekke qoıdyq. Sonymen qatar naqty memlekettermen jedel baılanys ornattyq. Menińshe, radıoelektrondy kúres saldarynan soǵys júrip jatqan elderden ushyp kelgen. Eger soǵys is-qımyldary júrip jatqan aýdandy baǵalar bolsaq, ushqyshsyz apparattar Polsha, Moldava, Majarstan, tipti Baltyq jaǵalaýy aýmaqtaryna da qulady. Sol sebepti bul baǵytta jumys istep jatyrmyz, — dedi ol Senattyń jalpy otyrysynan keıin BAQ ókilderiniń saýalyna oraı.

Onyń atap ótýinshe, atalǵan oqıǵany Іshki ister mınıstrligi prokýratýra organdarymen birge tergep jatyr. 

Buǵan deıin BQO aýmaǵyna ushqyshsyz ushatyn apparatqa uqsas zat qulaǵanyn jazǵan edik.