Qorǵanys mınıstri: Bastysy — ekıpajdyń jaıyn anyqtaý ári týystaryna qoldaý kórsetý
ASTANA. KAZINFORM — Qazaqstan Respýblıkasynyń Qorǵanys mınıstri avıatsııa general-leıtenanty Dáýren Qosanov joǵalǵan Áýe qorǵanysy kúshteriniń EC-145 tikushaǵyn izdeý jumystarynyń barysymen jeke tanysty. Bul týraly vedomstvonyń baspasóz qyzmeti málim etti.
Áskerı-áýe kúshteriniń qolbasshysy avıatsııa general-maıory Asqar Іzbasov qorǵanys vedomstvosynyń basshysyn Sorbulaq kólindegi izdestirý jumystarynyń barysynan habardar etti, ondaǵy tabıǵı jáne tehnogendik erekshelikter barynsha tehnıkalyq jaraqtandyrýdy jáne operatsııaǵa qatysýshylardyń is-qımyldaryn naqty úılestirýdi talap etedi.
— Іzdeý jumystaryna sý asty relefi men túbiniń shógindi, tereńdiginiń ózgermeli jáne sýdyń laı bolýy kedergi keltirýde. Alaıda, 25 shildede joǵalyp ketken Áýe qorǵanys kúshteri EC-145 tikushaǵynyń bortynda bolǵandardyń qaı jerde ekenin anyqtaý boıynsha aýqymdy izdeý-qutqarý operatsııasy kúndiz de, túnde de toqtamaıdy, — dedi Áskerı-áýe kúshteriniń qolbasshysy.
Sol izdeý júrip jatqan aımaqta avıatsııa general-leıtenanty Dáýren Qosanov joǵalǵan ushqyshtardyń týystarymen kezdesti. Mınıstr olarǵa qoldaý bildirip, operatsııa táýlik boıy jalǵasatynyn, barlyq resýrstar jumyldyrylǵanyn jáne áskerıler joldastaryn tabý úshin qoldan kelgenniń bárin jasaıtynyn aıtty.
— Biz sońyna deıin áreket etip, izdeýdi jalǵastyramyz. Jaqyn týystaryna jan-jaqty qoldaý kórsetiledi, kún saıyn baılanystamyz. Qaıǵyly jaǵdaıdyń sebepterin anyqtaý jáne joǵalǵandardy tabý úshin bar kúshimizdi salamyz, — dedi Qorǵanys mınıstri.
Úısenbaı Nurjigit tikushaq ekıpajy komandıriniń úlken aǵasy Medet Erjigittiń aıtýynsha, tańerteńnen keshke deıin ushqyshtardyń týystary jedel shtab ornalastyrylǵan izdeý ornynda júr. Olar izdeý tobynyń quramynda Sorbulaq kólin aınalyp ótip, áýeden tikushaqtyń sý túbinen kórý múmkin emestigine kóz jetkizdi.
Іzdestirý operatsııasyna 400-den astam adam, kınologııalyq toptar, 70-ten astam jerústi tehnıkasy, 21 júzý quraly, 10 UUA, eholottar, sýasty skanerleý quraldary jumyldyrylǵan.
Eske salsaq, 25 shildede Almaty oblysynda josparly ushý barysynda Qazaqstan Respýblıkasy Qarýly Kúshteri Áýe qorǵanysy kúshteriniń EC-145 tikushaǵy radardan joǵalyp ketti.
Josparly ushyp ótý kezinde joǵalǵan Áýe qorǵanysy kúshteriniń EC-145 tikushaǵynda bolǵan adamdardyń ornyn anyqtaý maqsatynda Sorbulaq sý qoımasy aýdanynda aýqymdy izdestirý-qutqarý operatsııasy táýlik boıy jáne kúsheıtilgen rejımde júrgizilip jatyr.
Qutqarý operatsııasyna qosymsha 5 áskerı bólimniń kúsh-quraldary tartyldy.