Qorǵanys mınıstri Arnaıy operatsııalar kúshteriniń Astanadaǵy áskerı bólimderin tekserdi
ALMATY. KAZINFORM — Qorǵanys vedomstvosynyń basshysy avıatsııa general-leıtenanty Dáýren Qosanov Arnaıy operatsııalar kúshteri áskerı nysandarynyń qurylysy men kúrdeli jóndeýden ótkizý boıynsha jol kartasynyń iske asyrylýyn tekserdi.
Astanadaǵy áskerı bólimde Qorǵanys mınıstri Áskerı ınfraqurylym bas basqarmasy ókiliniń ákimshilik aımaqtyń qurylysy týraly baıandamasyn tyńdady. Munda jaýyngerlik bólimshelerdi, shtab pen medıtsınalyq pýnktti ornalastyrý josparlanǵan. Jumystyń sapasyn teksergen mınıstr nysandardy paıdalanýǵa berýdiń merzimderin qatań saqtaý qajettigin atap kórsetti.
Kazarmalyq ǵımaratta avıatsııa general-leıtenanty Dáýren Qosanov kireberistiń jabdyqtalýyn, táýliktik kezekshilik ótkizý ornynyń daıyndyǵyn, sondaı-aq qarýdy saqtaý jáne tazalaý bólmelerin tekserdi.
Bólim qolbasshylyǵy mınıstrge qolda bar qarý-jaraq, qural-jabdyqtar, baılanys quraldary, RHBQ, ınjenerlik jáne medıtsınalyq zattardyń jaı-kúıi týraly málimet berdi. Sonymen qatar, Arnaıy operatsııalar kúshteriniń jaýyngerlik daıyndyq deńgeıin qamtamasyz etý úshin aldaǵy satyp alý josparlary da tanystyryldy.
Tekserý qorytyndysyn jasaǵan Qorǵanys mınıstri jol kartasyn iske asyrý, materıaldyq-tehnıkalyq qamtamasyz etý, bólimshelerdiń jaýyngerlik daıyndyq deńgeıin arttyrý jáne jeke quramnyń jabdyqtalý júıesin jetildirý boıynsha naqty tapsyrmalar berdi.
Aıta ketelik bolashaq ofıtserler áskerı bólimderde taǵylymdamadan ótken edi.
