Qorǵanys mınıstri Aqmola garnızonyndaǵy áskerı bólimge tosynnan bardy
ASTANA. KAZINFORM — Qorǵanys mınıstri, general-maıor Aıdos Myrzahmetov Aqmola garnızonyndaǵy áskerı bólimderdiń birine tosyn tekserý júrgizdi.
Vedomstvonyń habarlaýynsha, mınıstr áskerı bólimdegi qyzmettiń uıymdastyrylýymen tanysyp, áskerı qyzmetshilerdiń ornalasý jáne turmys jaǵdaıyn tekserdi.
Tosyn tekserý barysynda kazarmalardyń jaı-kúıine, sondaı-aq áskerı bólim ınfraqurylymynyń jaǵdaıyna erekshe nazar aýdaryldy.
Tekserý qorytyndysy boıynsha áskerı qyzmetshilerdiń turmys jaǵdaıyn jaqsartýǵa baǵyttalǵan naqty tapsyrmalar berildi.
Eske salaıyq, buǵan deıin jańa Qorǵanys mınıstri armııada qandaı ózgeris bolatynyn aıtqan edi.
Prezıdent Qasym-Jomart Toqaev Qorǵanys mınıstrine birqatar kezek kúttirmeıtin mindet júktedi.
Keshe, 3 qazanda Qasym-Jomart Toqaev elimizdiń Qorǵanys mınıstrliginiń birqatar laýazym ıelerin qyzmetinen bosatty.
