Qorǵandardan tabylǵan 968 jádiger qaıta qalpyna keltirlip mýzeıge tapsyryldy (FOTO)
Mınıstrliktiń baspasóz qyzmetiniń habarlaýynsha, QR Mádenıet jáne sport mınıstrligi jetekshi otandyq zerthanalarda qaıta qalpyna keltirilgen biregeı tabystarynyń aýqymdy kollektsııasyn jurtshylyq nazaryna usyndy. Osy salada mamandanǵan eki jetekshi uıym - QR MSM «Qazrestavratsııa» RMK jáne «Ostrov Krym» ǵylymı qaıta qalpyna keltirý zerthanasy qaıta qalpyna keltirý jáne konservatsııalaý boıynsha atqarǵan jumys nátıjelerimen tanystyrdy.
«Elbasynyń bastamasymen 2004-2011 jyldary júzege asyrylǵan «Mádenı mura» memlekettik baǵdarlamasy búgingi tańda mınıstrliktiń strategııalyq jospary aıasynda jalǵasyn tabýda. Biz qazaq halqynyń baı mádenı murasyn zertteý, onyń ishinde ulttyq tarıh úshin erekshe mańyzy bar tarıhı-mádenı jáne sáýlet eskertkishterin qalpyna keltirý jumystaryn júrgizýdemiz. Bul «Qazqaıtajańartý» respýblıkalyq memlekettik kásipornynyń tarıhı-mádenı eskertkishterdi saqtaý jáne qalpyna keltirý boıynsha bes jyl kólemindegi jumysynyń nátıjesi», - dep atap ótti Mádenıet jáne sport mınıstri Arystanbek Muhamedıuly.
Osy shara aıasynda Shyǵys Qazaqstan oblysy aýmaǵynda ornalasqan qorǵandardan tabylǵan 968 arheologııalyq jádiger mýzeıge tapsyryldy. Atalmysh eskertkishter tanymal qazaqstandyq arheolog Zeınolla Samashevtiń Berel qorǵanynda júrgizgen qazba jumystarynyń nátıjesinde tabylǵan bolatyn. Mýzeıge kelýshiler qaıta qalpyna keltirilgen ejelgi zaman zattaryn mýzeıdiń atrıýmynda ashylatyn «Ótken kúngi beınelerdiń búgingi kórinisi» kórmesinen tamashalaı alady.
«Restavratorlardyń qyzmeti - kóne buıymdardy qaıta qalpyna keltirý isindegi eń mańyzdy qyzmet. Mundaı óte qundy málimetterdi arheologtar men tarıhshylardyń kómegimen tabý bar, alaıda biz restavratorlarsyz ejelgi sheberler jasaǵan tańqalarlyq keremet álemdi tolyǵymen eshqashan kórsete almaǵan bolar edik» - dep atap ótti «Qazqaıtajańǵyrtý» RMQ dırektory Arnur Qarymsaqov.
Sonymen qatar, kórmede «Ostrov Krym» ǵylymı qaıta qalpyna keltirý zerthanasynyń qyzmetkerleri organıkalyq artefaktilerdi alǵashqy qaıta qalpyna keltirý boıynsha praktıkalyq sabaq júrgizedi.
«Ostrov Krym» ǵylymı qaıta qalpyna keltirý zerthanasynyń dırektory Q. Altynbekovtiń sózine qaraǵanda, zatty bastapqy qalpyna keltirmes buryn halyqtyń mádenıetin, dinin, pálsapalyq dúnıe tanymyn, onyń qorshaǵan ortamen, tabıǵatpen, kosmospen qarym-qatynasyn túsiný qajet. Tek sonda ǵana tabysqa jetýge bolady. Olaı bolmaǵan jaǵdaıda qaıta qalpyna keltirilgen zat jasandy aldamysh bos nárse bolyp kórinedi.
Mýzeıge ótkiziletin barlyq zattyń saqtaý sharty boıynsha usynystar berilgen restavratsııalyq pasporty bar. 
