23:11, 15 Maýsym 2023 | GMT +6
Qorǵaljynda janyp jatqan 100 gektar qamysty sóndirýge tikushaq tartylady
KÓKShETAÝ. QazAqparat - Aqmola oblysynyń Qorǵaljyn aýdanyndaǵy Sarykól kóliniń jaǵalaýynda 100 gektar aýmaqta qamys órtenip jatyr, dep habarlaıdy QazAqparat.
Oqıǵa ornynda TJD men jergilikti atqarýshy organdardyń kúsh-quraldary jumys istep jatyr.
Erteń kúndizgi ýaqytta qyzyl jalyndy tezirek sóndirý úshin «Qazavıaqutqarý» tikushaǵy jumyldyrylady.
«Eldi mekenderge qaýip joq» dep habarlady oblystyq tótenshe jaǵdaılar departamentiniń baspasóz qyzmeti.
Aqmola oblysynyń TJD azamattardy órt qaýipsizdigi talaptaryn saqtaýǵa shaqyrady.
