Qorǵaljynda kólge batyp ketken er adam tabylmaı jatyr – Aqmola oblysy
KÓKShETAÝ. QazAqparat - Qorǵaljyn aýdanynda qutqarýshylar Aryqty aýylyndaǵy kólge batyp ketken 1969 jylǵy er adamdy izdep tappaı jatyr, dep habarlaıdy QazAqparat tilshisi Aqmola oblystyq Tótenshe jaǵdaılar departamentiniń baspasóz qyzmetine silteme jasap.
Vedomstvonyń málimetinshe, quqyq qorǵaý organdaryna er adamnyń joǵalǵanyn onyń áıeli habarlaǵan. Qazir joǵalǵan azamatty izdeý sharalaryna qutqarýshylar, polıtsııa men jergilikti atqarýshy organdardyń qyzmetkerleri jumyldyryǵan.
«Іzdestirý sharasy kezinde Aryqty aýylyndaǵy kóldiń jaǵasynan er adamnyń aıaqkıimi tabyldy. Qutqarýshylar birden súńgýrlerdi shaqyryp, eki táýlik boıy kóldiń túbinde súzýde. Aldyn ala málimetter boıynsha er adam sýǵa batyp ketken. Qutqarýshylar ony kúni boıy izdep, izdeý jumystaryn tek túnde ǵana toqtatqan. Ázirge izdeý jumystary nátıje bergen joq. Buǵan tórt qutqarýshy, bir júzý quraly jáne 4 polıtsııa qyzmetkeri men eki tehnıkasy jumyldyrylǵan», - deıdi Qorǵaljyn aýdandyq TJ B bastyǵy Almas Áýbákirov.
Aıta ketý kerek, sonymen birge, izdestirý jumystaryna eriktiler de kómektesýde. Olar aýyldyń mańyndaǵy aýmaqtardy súzip shyqty.
