Qorǵaljynda «Qoqıqaz-2018» festıvali ótedi
Festıvaldiń qoqıqaz atanýy tekten tek emes. Qorǵaljyn - ıÝneskonyń halyqaralyq mura tizimine kiretin eki qoryqtyń biri. Astana qalasynan ońtústik-batysqa qaraı 130 shaqyrym jerde, Qorǵaljyn shuńqyrynda ornalasqan. Aýdany 259,9 myń gektardy quraıdy, onyń 198 myńy - akvatorııa. Jalpy aıtqanda, qoryq aýmaǵy eki úlken Teńiz jáne Qorǵaljyn kólinen turady. 1976 jyly Teńiz-Qorǵaljyn kólderi halyqaralyq mańyzy bar sý-tomar jerleriniń Ramsar tizimine qosylǵan bolatyn. 2007 jyly QMTQ kólderi ІVA basty ornıtologııalyq aýmaqtarynyń halyqaralyq jelisine engizildi. 2008 jyly QMTQ aýmaǵy ıÝNESKO-nyń Búkilálemdik Tabıǵat Murasynyń Tizimine qosyldy.
Qoryqtyń bıoalýandyǵy biregeı. Ol 374 ósimdik florasy ókilderi men Qazaq usaqtóbe florasynyń shıregi - 60 tuqymdastyqtan jáne sý men jer beti janýarlarynyń 1400-den astam túrinen turady. Qoryqta qustardyń 346 túri bar, olardan 126-i - uıa salatyndar. Teńiz-Qorǵaljyn kólderinde qustardyń sý-tomar kesheni 112 túrden turady, ol Qazaqstanǵa belgili 130-dyń 87 paıyzyn quraıdy. Qoryqta sútqorektilerdiń 43, ıhtıofaýnanyń 14 túri bar. Jándikter tolyq zerttelgen joq, tek 700 túrden astamy anyqtaldy, biraq olardyń alýantúrlilgi 5000-ǵa jete alady. Qoryqtyń aýmaǵynda Qyzyl Kitapqa engizilgen janýarlar men ósimdikterdiń 60-tan astam sırek túri belgilendi. Qustardyń ishinde Qyzyl kitapqa engizilgenderdiń eń ádemisi - qyzǵylt qoqıqaz (flamıngo) bolyp otyr. Munda kádimgi qoqıqazdyń uıa salý popýlıatsııasy ornalasqan, onyń sany keı jyldary 50-60 myń basqa jete alady. Alǵash ret 2005 jyly bastaý alǵan baıqaý osymen 14-ret uıymdastyrylyp otyr. Onyń 5-ýi respýblıkalyq deńgeıde.
Bul jolǵy «Qoqıqaz-2018» festıvaline «Qazaqstannyń bıoalýandyǵyn saqtaý qory» kommertsııalyq emes qory, «Qorǵaljyn ekologııalyq observatorııasy» jáne «Qorǵaljyn memlekettik tabıǵı qoryǵy» mekemeleri uıymdastyrýshylyq tanytýda. Sharaǵa Qorǵaljyn aýdandyq ákimdigi, Eýrazııalyq top (ERG), Aqmola oblysynyń týrızm basqarmasy jáne Qazaqstan Respýblıkasyndaǵy AQSh elshiligi qoldaý bildirýde.
Festıval aıasynda qoldanbaly óner sheberleri týyndylarynyń, kórkemsýret, fotosýretter, beıne rollıkter, ádebı týyndylar baıqaýynyń qorytyndysy shyǵarylady.
