Qorǵaljynda ekologııalyq Weekend ótedi

NUR-SULTAN. QazAqparat – QR Tuńǵysh Prezıdenti - Elbasy qory «Uly dala mádenıetindegi qustar sımvolıkasy» respýblıkalyq shyǵarmashylyq festıvalin uıymdastyrmaqshy, dep habarlaıdy QazAqparat tilshisi.

Aqmola oblysynyń Qorǵaljyn aýylyndaǵy tumsa tabıǵat aıasynda ótetin festıval barysynda trenıngter, sheberlik saǵattar, aktsııalar, sporttyq týrnırler, jarqyn gala-kontsert ótpek.

«Shara 23-24 tamyzǵa josparlanǵan. Festıvalǵa 100-den astam jas qatysady. Onyń ishinde erekshe qajettilikteri bar jastardyń belsendi qatysýy kútilýde. Kórermen retinde 1000-nan astam qonaq qatysady», - delingen Turńǵysh Prezıdent-Elbasy qorynyń baspasóz qyzmeti taratqan aqparatta.

Festıval aıasynda «Mektepke jol» respýblıkalyq aktsııasy bastaý alady. Qorytyndy shara 24 tamyz kúni, senbige josparlanǵan.

Saǵat 10:40-ta alty baıqaý alańynda túrli atalymdar boıynsha sheberlik synyptary jumys isteı bastaıdy.

Saǵat 11: 00-den bastap qolónershiler jármeńkesi jumysyn bastap, aýdan stadıonynda halyqtyq oıyndar boıynsha jarystar jalaýyn kóteredi. Saǵat 10:00-den 18:00-ge deıin sporttyq týrızm jáne raftıng týrnıri uıymdastyrlady.

«Kúni boıy qoryqtyń aýmaǵynda ekologııalyq kvester uıymdastyrylyp, batpyraýyqtar men kúıshi baıqaýy ótedi. Saǵat 19.00-de festıval jeńimpazdary gala-kontsertte marapattalyp, shara qazaqstandyq estrada oryndaýshylarynyń qatysýymen ótetin bı keshine ulasady», - delingen aqparatta.