Qorǵaljyn tasjoly 30 sáýirge deıin jartylaı jabylady
NUR-SULTAN. QazAqparat - Qorǵaljyn tasjolynda qozǵalys 30 sáýirge deıin jartylaı jabylady. Shara qurylys jumystaryna baılanysty qabyldandy, dep habarlaıdy elorda ákimdiginiń resmı saıty.
Qorǵaljyn tasjolynyń Sh.Aıtmatov kóshesimen qıylysatyn aýmaǵynda TM-55 jáne TM-48 jylý magıstraldary arasyndaǵy bóget salý aıasyndaǵy jumystardy bastaý josparlanýda.
«Osyǵan baılanysty 23-30 sáýir aralyǵynda atalǵan ýchaskede, qosa berilgen shemaǵa sáıkes, Qorǵaljyn tasjoly boıymen Úrker aýdanyna qaraı avtokólik qozǵalysy shekteledi», – delingen qalalyq otyn-energetıka kesheni jáne kommýnaldyq sharýashylyq basqarmasynyń habarlamasynda.
Mamandar elorda turǵyndary men qonaqtaryn marshrýttaryn aldyn ala josparlaýǵa shaqyrady.
