Qorǵaljyn tas jolymen Turan dańǵylynan QazMZÝ-ǵa deıingi jol qaıta jóndeýge jabyldy - Astana qalalyq JPB
ASTANA. Tamyzdyń 16-sy. QazAqparat - Astanada tamyzdyń 14-i men 27-si aralyǵynda qaıta jóndeý jumystaryna baılanysty Qorǵaljyń tas jolymen Turan dańǵylynan QazMZÝ-ǵa deıingi jol jabylady.
Bul týraly qalalyq ІІD JPB baspasóz qyzmeti habarlady.
Qorǵaljyn tas jolyndaǵy qozǵalysty toqtatý úsh saty boıynsha júzege asyrylady.
- 1. Turan dańǵylynan Aıǵanym kóshesine deıin;
- 2. Aıǵanym kóshesinen Atyraý kóshesine deıin;
- 3. Atyraý kóshesinen QazMZÝ-ge deıin.
Qaıta jóndeý jumystary kezinde jol alty jolaqqa deıin keńeıtiledi. Esterińizge sala keteıik, qazir Qorǵaljyn trassasynda kólikter eki jolaq arqyly júrýde. Jańbyr sýy kárizderin jasaý jumystary júrgizilip, jańa baǵdarshamdar men jol belgileri ornatylady. Jol-jóndeý jumystaryn júrgizý kezinde qala ákimshiligi sol mańaıdyń turǵyndary úshin aınalma joldardy qarastyrady
Júk kóligi QazMZÝ-dan soltústik jaqpen gaz qurylǵysy aýdany arqyly Kenesary kóshesine shyǵa alady, al jeńil kólikter Komsomol poselkesi arqyly Turan dańǵylyna ótedi.
Qoǵamdyq kólikter de kelesi joldar boıynsha marshrýttaryn ózgertedi:
-№35 marshrýty birinshi «Aımaqaralyq aýrýhana» aıaldamasynan «Dýman» oıyn-saýyq ortalyǵy aıaldamasyna deıin Qorǵaljyń trassasy boıynsha ózgerissiz júredi, odan keıin Qorǵaljyń trassasy (QazMZÝ aıaldamasy) saıajaılyq ýchaskesindegi Saryarqa dańǵyly - Kenesary kóshesi - «Gazmash» AQ baǵyty boıynsha ýaqytsha jolmen júredi, ary qaraı - burynǵy qozǵalys kestesi boıynsha baǵyt alady.
-№36 marshýrty- birinshi - «ETs-166/10» aıaldamasynan «№9 lıtseı» aıaldamasyna deıin Saryarqa dańǵyly boıynsha ózgerissiz, ary qaraı - Qorǵaljyń trassasy (QazMZÝ aıaldamasy) saıajaılyq ýchaskesindegi Saryarqa dańǵyly - Kenesary kóshesi - «Gazmash» AQ baǵyty boıynsha ýaqytsha jolmen júredi, keıin - burynńy qozǵalys kestesi boıynsha júredi.
-№44 marshýrty - birinshi «Master-2» GM aıaldamasynan «Dýman» oıyn-saýyq ortalyǵy aıaldamasyna deıin Qorǵaljyń trassasy boıynsha ózgerissiz, ary qaraı - Qorǵaljyń trassasy (QazMZÝ aıaldamasy) saıajaılyq ýchaskesindegi Saryarqa dańǵyly - Kenesary kóshesi - «Gazmash» AQ baǵyty boıynsha ýaqytsha jolmen, keıin burynǵy baǵyty boıynsha júredi.
