Qorǵaljyn qoryǵy aýmaǵyndaǵy kólden uzyndyǵy 1 km aý tabyldy
QORǴALJYN. QazAqparat – Aqmola oblysynyń Qorǵaljyn memlekettik-tabıǵı qoryǵy aýmaǵyndaǵy Asaýbalyq kólinde uzyndyǵy 1,1 shaqyrym balyq aýlaıtyn aý qurylǵan, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 10 qańtarda Qorǵaljyn aýdandyq PB-ne atalǵan qoryqtyń ınspektory habarlasyp, Asaýbalyq kólinde balyq aýlaıtyn aý qurylǵanyn aıtqan.
«Aıtylǵan kólge barǵan jedel-tergeý toby uzyndyǵy 100 metr bolatyn balyq aýlaıtyn 11 aý tapty. Aýdyń jalpy uzyndyǵy 1100 metr. Aýǵa tuqy, alabuǵa, móńke jáne taban túsken. Polıtsııa hattama toltyryp, balyqtardyń barlyǵy tabıǵı ortaǵa jiberildi», - deıdi vedomstvodan.
PD atap ótkendeı, qazirgi kezde, tabıǵatty qorǵaý polıtsııa tarapynan QR QK 335-baby (balyq resýrstary, ózge de sý janýralary men ósimdikterin zańsyz óndirý) boıynsha is qozǵalyp, sotqa deıingi tergeý amaldary júrgizilýde.
