Qorǵaljyn aýdanynyń prokýrory ustaldy

NUR-SULTAN. QazAqparat - Qorǵaljyn aýdany prokýrorynyń ústinen tergeý sharalary jalǵasyp jatyr. Bul týraly búgin QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Janna Bastarova aıtty, dep habarlaıdy QazAqparat tilshisi.

"Sybaılas jemqorlyqqa qarsy is-qımyl ulttyq bıýrosy QR Bas prokýratýrasy Іshki tergeý departamentimen birlesip, Aqmola oblysy Qorǵaljyn aýdany prokýrorynyń jalpy qamqorlyǵy úshin memlekettik mekemeniń basshysynan jalpy somasy 5 mln teńge para alý faktisi anyqtaldy", - dedi Janna Bastarova agenttikte ótken baspasóz máslıhatynda.

Onyń aıtýynsha, tergeý sharalary jalǵasyp jatyr.

"Kúdiktige qatysty túpkilikti sheshim onyń kinásiniń dárejesin anyqtaý arqyly sotpen shyǵarylady", - dedi resmı ókil.