Qorǵaljyn aýdanynda tórt aýyldy sý basýy yqtımal
ASTANA. QazAqparat - Aqmola oblysy Qorǵaljyn aýdanyn sý basýy múmkin. Bul týraly búgin brıfıngte QR ІІM Tótenshe jaǵdaılar komıteti Habar berý jáne halyqty oqytý bóliminiń bastyǵy Rýslan Imanqulov málim etti.
Aqmola oblysy boıynsha tıisti sharalar jáne sý sorý jumystary jasalýda. Búgingi tańda «Qazseldenqorǵaý» MM derekteri boıynsha Aqmola oblysy Nura ózeninde sý deńgeıi kóterilýde. Ásirese, Qorǵaljyn aýdanynda jalpy sany 500-ge tarta turǵyny bar 4 aýyldy sý basýy yqtımal. Olar: Uıaly, Sadyrbaı, Órkendeý jáne Alǵabas aýyldary. Adamdar aldyn ala ol jerden kóshirildi. Keıbireýleri sýdyń kelýine tosqaýyl qoıýǵa kómektesý úshin qaldy», - dedi ol.
Aıta keteıik, Aqmola oblysynda sý tasqyny bastalǵaly beri Atbasar qalasy jáne Ereımentaý, Arshaly, Astrahan, Atbasar, Tselınograd aýdandarynyń 12 eldi mekeninde jalpy sany 168 úı sý astynda qaldy. Qazirgi ýaqytta onyń 114-inen sý ketti.
