Qorǵaljyn aýdanynda «Sapaly sý» baǵdarlamasyna respýblıkalyq bıýdjetten 531 mıllıon teńge bólindi
KÓKShETAÝ. Sáýirdiń 20-sy. QazAqparat /Janmurat Janaıdarov/ - Aqmola oblysyna qarasty Qorǵaljyn aýdanynda aǵymdaǵy jyly «Sapaly sý» baǵdarlamasyn iske asyrý maqsatyna respýblıkalyq bıýdjetten 531 mıllıon teńge qarjy bóolinip otyr, dep habarlaıdy QazAqparat tilshisi.
Aýdan ákimi Sultan Qasenovtyń aıtýynsha, bul qarjy esebinen Keńbıdaıyq, Abaı aýyldarynda sý jelilerine qaıta jaraqtaý jumystary júrgizilip, Jumaı, Úshsart aýyldaryndaǵy sý qubyrlarynyń qurylysy sheshimin tabatyn bolady. 2008 jyly oblystyq bıýdjet esebinen Uıaly, Sadyrbaı, Ekpindi aýyldarynyń turǵyndary sapaly sýmen qamtamasyz etilgen. Aldyn ala jasalǵan josparǵa sáıkes 2012 jyly Órkendeý, Aryqty, Maıshuqyr, Hýtor eldi mekenderinde sýǵa degen suranym qanaǵattandyrylady. Qazirgi kezde qujattar daıyndaý, anyqtama jasaý sharalary qolǵa alynǵan. Jalpy aýdan boıynsha 16 aýyldyń jartysynda sýmen qamtý retke keltirilgen.
