Qorǵaljyn aýdanynda kólge batyp ketken er adamnyń denesi tabyldy
KÓKShETAÝ. QazAqparat - Qorǵaljyn aýdanynda qutqarýshylar Aryqty aýylyndaǵy kólge batyp ketken 1969 jylǵy er adamnyń denesin tapty, dep habarlaıdy QazAqparat tilshisi Aqmola oblystyq Tótenshe jaǵdaılar departamentiniń baspasóz qyzmetine silteme jasap.
Vedomstvonyń málimetinshe, qutqarýshylar er adamnyń denesin kólden tórt kún boıy izdegen. Kól sýynyń laı bolýy izdestirý sharasyna kedergi keltirgen.
«Keshe 30 sáýirde er adamnyń denesi tabyldy. Onyń ústinde kıimi boldy. Sondyqtan, máıit sot-medıtsınalyq saraptamaǵa jiberildi. Er adammen birge balyq aýlaý quraly bolǵan joq jáne ózi de balyq aýlaýmen aınalyspaǵan», - deıdi deıdi Qorǵaljyn aýdandyq TJB bastyǵy Almas Áýbákirov.
Aıta keteıik, sáýirdiń 25-de quqyq qorǵaý organdaryna er adamnyń joǵalǵanyn onyń áıeli habarlaǵan. Ony izdeý sharalaryna qutqarýshylar, polıtsııa men jergilikti atqarýshy organdardyń qyzmetkerleri jumyldyryldy. Sondaı-aq, Kókshetaýdan jedel-qutqarý otrıadynyń súńgirýleri shaqyryldy.
