Qorǵaljyn aýdandyq mádenıet úıinde ótken jyr keshi Uly Jeńistiń 65 jyldyǵyna arnaldy

KÓKShETAÝ. Mamyrdyń 3-i. QazAqparat /Janmurat Janaıdarov/ - Aqmola oblysyna qarasty Qorǵaljyn aýdandyq mádeıet úıinde Uly Jeńistiń 65 jyldyǵyna oraılastyryla ótken «Abyz aqyn jyrlary» atty jyr keshi jerles aqyn Muqan Saǵynbekovtiń shyǵarmashylyǵyna arnaldy,

dep habarlaıdy QazAqparat tilshisi.

Uly Jeńistiń 65 jyldyǵyna oraı uıymdastyrylǵan kezdesýge jınalǵan óńir turǵyndary aqynnyń ár óleńin jatqa biledi dese de bolǵandaı. Kezinde Abylaı aýylynda tyń kóterip, egin sepken. 1977-shi, 2006-shy jyldary oblystyq aqyndar aıtysynyń júldegeri atanýy teginnen tegin emes. 1985 jyly Qaraǵandy ýnıversıtetiniń jýrnalıstıka fakýltetin bitirgen. Eren eńbegi esh qalmaı, Eńbek Qyzyl Tý ordenin omyraýyna qadap, qaı salada júrse de aldyńǵy shepten kórindi. Muqań óz jyrlaryna aýyldastarynyń shat turmysyn, jastyq shaqty, otansúıgishtikti, erlik pen erjúrektikti arqaý etken. «Ǵalymnyń haty» jaýyngerdiń elge degen saǵynyshynyń kórinisi. «Týǵan jer» óńir ánuranyna aınalǵan. 2008 jyly «Qorǵaljynnyń qońyr kúzi» óleńder, dastandar, ańyzdar men tolǵaýlar jınaǵy jaryq kórip, oqyrmandarymen qaýyshqan. Al sońǵǵy ýaqytta týyndaǵan óleńderi jańada baspaǵa tapsyrylǵan. Jyr keshinde aýyldastary óleńderin oqyp, san alýan saýaldaryna naqtyly jaýap aldy. Jergilikti ónerpazdar soǵys jáne tyl ardagerlerine qoshemet kórsetip, án bıden shashý shashty.