09:27, 14 Qyrkúıek 2024 | GMT +6
Astanada Qorǵaljyn tasjolynyń bir bóligi jabyldy
ASTANA. KAZINFORM — Elordada taǵy bir jolda kólik qozǵalysyna tyıym salyndy.
Astana qalasynyń kólik jáne jol-kólik ınfraqurylymyn damytý basqarmasy Qorǵaljyn tasjolynyń Turan dańǵylyna jaqyndaǵanda oń jaǵyndaǵy jol tóseminde jóndeý jumysy júrgiziletinin habarlaıdy.
Osyǵan baılanysty 14-15 qyrkúıek aralyǵynda joǵaryda atalǵan ýchaske ishinara jabylady.
Bul rette avtokólik quraldarynyń qozǵalysy qosa berilgen shemaǵa sáıkes uıymdastyrylady.
«Elorda turǵyndary men qonaqtarynan qala joldarynda keptelis bolmas úshin óz marshrýtyn aldyn ala josparlaýdy suraımyz. Ýaqytsha qolaısyzdyq úshin keshirim suraımyz jáne jol-qurylys jumysyn júrgizýge túsinistikpen qaraýdy ótinemiz» dep eskertedi ákimdikten.
