Koreıler qaýymdastyǵynyń tóraǵasy: ózimiz jáne jaqyndarymyz úshin tótenshe jaǵdaı talaptaryn saqtaıyq
«Sońǵy oqıǵalar elimizdi orasan zor shyǵynǵa ushyratty, halyqtyń tynyshtyǵyn buzyp, talaı adamnyń ómirin qıdy. Jalǵan belsendiler jurt arasyna iritki saldy. Bul respýblıkadaǵy birqatar máseleniń betin ashty. Memleket basshysy Qasym-Jomart Toqaev atap ótkendeı, demokratııa bul – blogosferada zańsyz áreketterge ıtermeleý emes ekenin este saqtaǵan jón», - dedi ıÝlııa Kýnst.
Onyń aıtýynsha, lańkesterdiń qolynan ákimshilik ǵımarattar ǵana emes, beıbit turǵyndardyń jeke menshigi de búlingen.
«Qaza bolǵandardyń otbasylaryna shyn júrekten kóńil aıtamyn. Prezıdentimiz buǵan kinálilerdiń barlyǵy eń qatań qylmystyq jaýapkershilikke tartylatyndyǵyn aıtty. Osy rette, ózimizdi jáne jaqyndarymyzdy qorǵaý úshin halyqty sabyrǵa, tótenshe jaǵdaı talaptaryn qatań saqtaýǵa shaqyramyn», - dedi ShQO Dostyq úıi «Koreıler qaýymdastyǵy» qoǵamdyq birlestiginiń tóraǵasy.
