Koreıanyń óner ýnıversıteti qazaqstandyq jastarǵa arnaıy grant bóldi
Koreıanyń ulttyq óner ýnıversıteti (K-ARTS/KNUA) 1993 jyly ashylǵan jáne Ońtústik Koreıanyń Seýl qalasynda ornalasqan. Ýnıversıtette mýzyka mektebi, drama, kıno jáne mýltımedıa, bı, beıneleý óneri jáne koreı dástúrli óneri sııaqty alty fakýltet boıynsha 26 departament jumys isteıdi.
Ýnıversıtet ártistik talanty bar jastardy qoldaý maqsatynda 2019 jylǵa arnalǵan «Art Major Asian» (AMA) stıpendııalyq baǵdarlamasyn usynady. Atalmysh baǵdarlama arqyly bakalavrıatqa jáne magıstratýraǵa túsýge múmkindik jasalǵan.
Stıpendııanyń ishine mynalar kiredi: negizgi baǵdarlama boıynsha tegin bilim alý, aı saıynǵy 800,000 von somasyndaǵy stıpendııa, 3 aı qarqyndy túrde koreı tiliniń kýrsyn oqý, ishinara medıtsınalyq saqtandyrý.
Tirkeý jáne irikteý ýaqyty: tirkeý 2018 jyldyń 31 shildesinde aıaqtalady, al irikteý nátıjesi 2018 jyldyń 17 qyrkúıegine deıin shyǵady, grant ıelengen talapkerler 2018 jyldyń 29 qazanyna deıin Koreıaǵa attanýy kerek, olar 2018 jyldyń qarashasynan 2019 jyldyń aqpanyna deıin til kýrstaryn oqıdy.
Oqý 2019 jyldyń naýryz aıynda bastalady.
Oqýǵa túsýge qajetti qujattardyń tizimin, oqýǵa túsý jónindegi nusqaýlyqty jáne ótinim úlgisin ýnıversıtettiń saıtynan júktep alýǵa múmkindik jasalǵan.
Koreıaǵa oqýǵa túsýge qatysty barlyq suraqtardyń jaýabyn global@karts.ac.kr elektrondy poshtasy nemese +82-2-746-9073 telefony arqyly surap bilýge bolady.