Koreıanyń Qazaqstandaǵy Elshisi balalardy Naýryz merekesimen quttyqtady

NUR-SULTAN. QazAqparat – Elordadaǵy SOS balalar qalashyǵynda Naýryz merekesine oraı Koreı mádenı ortalyǵynyń uıymdastyrýymen arnaıy shara ótti, dep habarlaıdy QazAqparat.

Atalǵan sharaǵa Koreıanyń Qazaqstandaǵy Elshisi Ký Hong-sok qatysyp, balalardy Naýryz merekesimen quttyqtady.

«Naýryz Qazaqstandaǵy eń úlken mereke. Osyǵan oraı koreı mádenıetin kórsetetin arnaıy baǵdarlama ázirledik. Barlyq balalarǵa baqyt pen jarqyn bolashaq tileımiz», - dedi óz sózinde Elshi.

Merekelik sharada dástúrli koreı mádenıtetinebaılanysty sheberlik sabaqtary ótkizilip, balalar arasynda «chılge-norı» syndy túrli oıyndar uıymdastyryldy.

Koreı mádenı ortalyǵy qalashyqtaǵy balalarǵa fýtbol doptary, oqý quraldar men kitaptar syıǵa tartty.

Aıta ketsek, elordadaǵy Koreı mádenı ortalyǵy 2015 jyldan beri SOS balalar qalashyǵynda túrli sharalardy turaqty túrde ótkizip keledi.

«Álemde taraǵan koronavırýsqa baılanysty uzaq ýaqyt sharalar onlaıyn formatta ótkizilip keldi. Al búgin Naýryz merekesin balalarmen birge ashyq kezdesip merekelep jatyrmyz. Aldaǵy ýaqytta balalar Koreı mádenı ortalyǵyna kelip, bizdiń sharalarymyzǵa qatysatynyna senemin», - dedi mádenı ortalyqtyń dırektory Lı Heran.