Koreıalyqtar Qorqyt Ata ýnıversıtetine 69 kompıýter syılady
QYZYLORDA. QazAqparat - Koreıa Respýblıkasy Chollanamdo provıntsııasynyń Bilim departamenti delegatsııasy Qorqyt Ata atyndaǵy Qyzylorda memlekettik ýnıversıtetine saparmen kelip, kompıýter ortalyǵynyń ashylý saltanatyna qatysty, dep habarlady QazAqparat tilshisi ýnıversıtetke silteme jasap.
Delegatsııanyń quramynda Chollanamdo provıntsııasynyń Bilim departamenti ákimshilik bıýrosynyń dırektory - Lı Chon Bam myrza, Chollanamdo provıntsııasy Bilim berý departamentiniń aqparattyq-kommýnıkatsııalyq tehnologııalar bóliminiń basshysy Kım Djangvan myrza, sondaı-aq osy departament qyzmetkeri Park ıÝ hanym men Kangnam ýnıversıtetiniń professory Doktor Kım Fıl bar.
Aıta keteıik, Koreıa Respýblıkasy Chollanamdo provıntsııasynyń Bilim departamenti ózara yntymaqtastyq negizinde Qorqyt Ata ýnıversıtetine LG markaly 69 kompıýter syıǵa tartty. Kompıýterlik ortalyqta stýdentter aralyq jáne qorytyndy baqylaý jumystaryn tapsyra alady.
Jyl saıyn ýnıversıtettiń halyqaralyq qatynastary keńeıip keledi. Ýnıversıtettiń halyqaralyq qyzmeti álemdik bilim berý jáne ǵylym qoǵamdastyǵyna odan ári yqpaldasýǵa baǵyttalǵan. Búginde Qorqyt Ata atyndaǵy Qyzylorda memlekettik ýnıversıteti AQSh, Ulybrıtanııa, Kanada, Germanııa, Avstrııa, Ispanııa, Italııa, Polsha, Koreıa, Túrkııa, Japonııa, AQSh, Ulybrıtanııa, Egıpet jáne Reseı memleketteriniń joǵary oqý oryndarymen, bilim berý jáne mádenıet ortalyqtarymen, jetekshi ǵylymı ortalyqtarymen áriptestik baılanys ornatyp, halyqaralyq qatynasty damytý maqsatynda 80-nen astam memorandýmdarǵa qol qoıylǵan.
Jıyn sońynda Chollanamdo provıntsııasy Bilim departamentiniń ákimshilik bıýrosynyń dırektory Lı Chon Bam Qorqyt Ata ýnıversıtetimen áriptestik yntymaqtastyqtyń odan ári nyǵaıýyna yqpal jasaıtynyn aıtyp, ýnıversıtet ujymynyń jumysyna tabys tiledi.
