Koreıalyq pıanınoshy Seng Chjın Cho halyqaralyq Shopen baıqaýynda jeńiske jetti
ASTANA. QazAqparat - 21 jastaǵy ońtústikkoreıalyq pıanınoshy Seng Chjın Cho Varshavada ótken Shopen atyndaǵy halyqaralyq baıqaýda jeńiske jetti, dep habarlady epochtimes.ru.
Birinshi oryn alǵan baıqaý jeńimpazy 30 myń eýro men altyn medalǵa ıe boldy. Kúmis medal men 25 myń eýrony kanadalyq pıanınoshy Sharl Rıshar-Amlen, qola medal men 20 myń eýrony AQSh ókili Keıt Lıý enshiledi.
Baıqaý jeńimpazy Seng Chjın Cho Shopen shyǵarmalaryn bala kezinen oryndap keledi. 2011 jyly ol Petr Chaıkovskıı atyndaǵy XIV halyqaralyq baıqaýynyń laýreaty atanǵan. Ózge de marapattary jeterlik.
Bıyl álemdegi eń bedeldi baıqaýlardyń qataryndaǵy pıanınoshylar synyna 20 eldiń 78 ókili qatysty.
