Koreıalyq kompanııalar Túrkistan oblysyndaǵy jol qurylysy jobasyna qyzyǵýshylyq bildirdi
«Qazaqstan Respýblıkasy men Koreıa Respýblıkasy arasyndaǵy ekijaqty yntymaqtastyqty odan ári damytý maqsatynda Holdıngtiń Basqarma tóraǵasynyń orynbasary Ánýar Omarqojaev bastaǵan «Báıterek» UBH» AQ delegatsııasy Holdıngtiń Basqarýshy dırektory - Basqarma múshesi Aınur Qýatovanyń jáne Kazyna Capital Management, Kazakhstan Project Preparation Fund, Qazaqstannyń Damý Banki, Turǵyn úı qurylysyna kepildik berý qory enshiles uıymdarynyń basshylarynyń qatysýymen Koreıa Respýblıkasyna jumys saparymen bardy» delingen habarlamada.
Málimetke saı, sapar baǵdarlamasy Koreıanyń KOLON Investment, Koreıanyń Sheteldik qala ınfraqurylymyn damytý korporatsııasy, EximBank, Hyundai E&C, Koreıalyq damý ınstıtýty (KDI), K-Sure saýdany saqtandyrý korporatsııasy, Koreıanyń ınvestıtsııalyq korporatsııasy (KIC), Turǵyn úı jáne qalany damytý kepildigi korporatsııasy, SK Lubricants, Koreı tehnologııalyq damý ınstıtýty (KIAT) sııaqty iri korporatsııalarymen iskerlik kezdesýlerdi jáne birlesken jobalardy qoldaý boıynsha bıznes-semınardy qamtıdy.
Osy kezdesýler sheńberinde medıtsına, energetıka, sondaı-aq memlekettik-jeke menshik áriptestik mehanızmin qoldanatyn turǵyn úı jáne áleýmettik ınfraqurylym salasyndaǵy birlesken jobalardy iske asyrý máseleleri talqylandy. Holdıngtiń qoldaýymen Qazaqstanda jobalarǵa qatysý úshin birneshe koreıalyq kompanııalarmen ýaǵdalastyqqa qol jetkizildi.
Koreı kásipkerleri tarapy Koreı Saýda-ónerkásip palatasy men Qazaqstannyń Koreıadaǵy Elshiligi uıymdastyrǵan «Báıterek» holdıngi kompanııalar tobynyń qazaqstandyq-koreıalyq jobalaryn qarjylaı jáne qarjylyq emes qoldaý» atty bıznes-semınarǵa úlken qyzyǵýshylyq tanytty. Atap aıtqanda, koreıalyq kompanııalar Túrkistan oblysyndaǵy jol qurylysy jobasyna óz qyzyǵýshylyqtaryn bildirdi.
«Báıterek» holdıngi basqarmasy tóraǵasynyń orynbasary Ánýar Omarqojaev óz baıandamasynda Ońtústik Koreıanyń qatysýymen 500-den astam kompanııa Qazaqstanda belsendi jumys istep jatqanyn atap ótti.
«Bul bizdiń elimizge Koreıa bıznesiniń joǵary senimin bildiredi. Koreıa Respýblıkasy densaýlyq saqtaý, bilim berý, turǵyn úı qurylysy, aqparattyq jáne ǵylymı tehnologııalar salasynda jobalardy iske asyrýda mol tájirıbege ıe. Osyǵan oraı birlesken bıznes-bastamalardy júzege asyrý úshin Koreıalyq bıznesti Qazaqstanǵa shaqyramyn», - dedi Holdıng Basqarmasy tóraǵasynyń orynbasary Ánýar Omarqojaev.
