Koreıalyq dáriger Aqtóbede jospardan tys ota jasap, áıeldi aman alyp qaldy
AQTÓBE. QazAqparat - Aqtóbelik dərigerler 55 jastaǵy əıeldiń baýyryn aýystyrdy. Naýqas Oral qalasynan Astanaǵa bara jatqan jolda ózin nashar sezinip, medıtsınalyq kómek suraǵan, dep habarlaıdy QazAqparat tilshisi.
Qaterli isik dertine shaldyqqan 55 jastaǵy turǵyn birneshe jyl boıy aýyryp, em qabyldaǵan. Dəriger oǵan baýyr tserrozy dep dıagnoz qoıyp emdedi. Bul joly ol em alý úshin Astanaǵa barmaq bolyp, jolǵa shyqty. Biraq jolda tamyry jarylyp, qan ketti. Al aqtóbelik dərigerler hırýrg Kvang Výng Lıdiń kómegimen sətti ota jasady.
«Əıel 2014 jyldan beri em qabyldap júrgen. Baýyr tserrozyna shaldyqqan ol poıyzben jolǵa shyqqan. Jolda qan ketip, shuǵyl kómek kórsetýge týra keldi. Koreıa professory Kvang Výng Lıdiń kómegimen shuǵyl ota jasalyp, baýyry aýystyryldy. Shynyn aıtqanda, koreılik dərigerler Aqtóbede Check up ortalyq ashý kelisimshartyna qol qoıýǵa keldi. Sapar kezinde josparsyz ota jasaldy»¸ - dedi Aqtóbe oblystyq densaýlyq saqtaý basqarmasynyń basshysy Əset Qalıev.
Naýqasqa óziniń 20 jastaǵy qyzy donor boldy. Baýyr alý otasy 3D-laparoskopııa arqyly jasaldy. Dərigerler eki adamnyń da jaǵdaıy qalypty dep otyr. Olar aq halattylardyń jiti baqylaýyna alyndy.
«Ota əıeldiń tolyq jazylýyna múmkindik beredi. Qaterli isik aýrýynan da aıyǵyp, tolyqqandy ómir súrýge múmkindik bar», - dedi Əset Qalıev.
Aıta keteıik, aqtóbelik dərigerler koreıalyq əriptesterinen búırek aýystyrý otasyn úırendi. Qazir baýyr aýystyrýdyń qyr-syryn meńgerip jatyr.
