Koreıalyq ánshi PSY taǵy da Ǵalamtordy dúr silkindirdi. VIDEO.
ASTANA. 16 sáýir. QazAqparat - Onyń «Gentleman» atty jańa ánine beınebaıanyn bir táýlik ishinde YouTube-ten 20 mıllıon adam qaraǵan.
Bul týraly «Ýtro.rý» habarlaıdy.
Koreıalyq reper PSY óziniń «Gentleman» dep atalatyn jańa ániniń beınebaıanyn tanystyrdy. Bul vıdeo YouTube -te táýlik ishinde 20 mıllıon kórsetilim jınaǵan. Ótken jylǵy «Gangnam Style» ániniń avtory pop-ártis Djastın Bıberdiń rekordyn jańartty. Kanadalyq jas ánshiniń «Boyfriend» ánin ótken jyldyń mamyrynda 8 mıllıon kórermen qaraǵan.
2012 jyldyń qarasha aıynda «Gangnam Style» ánin YouTube arqyly 805 mıllıon adam qarap, bul buryn-sońdy qaralǵan rolıkterdiń ishinde rekord ornatqan edi.
PSY-dyń shyn aty - Pak Che San. Ol Seýlde 1977 jyly dáýletti kásipkerdiń otbasynda dúnıege kelgen. Búginde ol álemdegi eń tanymal koreıalyq oryndaýshy bolyp tabylady.
