Koreıalyq kompanııalar Qazaqstannyń energetıka salasyna ınvestıtsııa salýǵa nıetti
ASTANA. KAZINFORM — Energetıka mınıstrligi koreıalyq kompanııalardy 2035 jylǵa deıingi elektr energetıkasy salasyn damytý jospary aıasynda jumys istep turǵan energetıkalyq nysandardy jańǵyrtý jáne jańa generatsııalaý qýattaryn salý jobalaryna ınvestorlar jáne EPC-merdigerler retinde qatysýǵa shaqyrdy.
Qazaqstan Respýblıkasy Energetıka vıtse-mınıstri Sanjar Jarkeshov Koreıa Respýblıkasynyń Qazaqstandaǵy Tótenshe jáne Ókiletti Elshisi Chjon Kıhonmen kezdesý ótkizdi. Kezdesý barysynda taraptar munaı-gaz jáne elektr energetıkasy salalaryndaǵy yntymaqtastyqtyń perspektıvalaryn talqylady.
Kezdesýde aǵymdaǵy jyldyń qyrkúıeginde Qazaqstan Respýblıkasy Prezıdentiniń Koreıa Respýblıkasyna josparlanǵan memlekettik sapary aıasynda qol qoıý kózdelip otyrǵan Munaı salasyndaǵy yntymaqtastyq týraly negizdemelik kelisimdi daıyndaý máselesine erekshe nazar aýdaryldy.
Sondaı-aq koreıalyq kompanııalardyń Qazaqstannyń energetıkalyq ınfraqurylymyn jańǵyrtýǵa qatysý perspektıvalary talqylandy. Energetıka mınıstrligi koreıalyq kompanııalardy 2035 jylǵa deıingi elektr energetıkasy salasyn damytý jospary aıasynda jumys istep turǵan energetıkalyq nysandardy jańǵyrtý jáne jańa generatsııalaý qýattaryn salý jobalaryna ınvestorlar jáne EPC-merdigerler retinde qatysýǵa shaqyrdy.
Kezdesý barysynda Túrkistan oblysyndaǵy bý-gaz elektr stantsııasynyń qurylysy jobasynyń iske asyrylý barysy qaraldy. Qurylys-montaj jumystarynyń jalǵasyp jatqany, negizgi tehnologııalyq jabdyqtardy jetkizý tolyq aıaqtalǵany jáne qurylys alańynda 2 100-den astam mamannyń eńbek etip jatqany atap ótildi.
Kezdesý qorytyndysy boıynsha taraptar strategııalyq áriptestikti odan ári damytýǵa, birlesken ınvestıtsııalyq jobalardy iske asyrýǵa jáne energetıka salasyndaǵy tehnologııalyq yntymaqtastyqty keńeıtýge ózara múddeli ekenin rastady.
Aıta ketelik drondar men jasandy ıntellekt energetıkadaǵy aqaýlardy erte anyqtaýǵa múmkindik beretini týraly jazǵan edik.
