Koreıadan jumys taýyp beremin dep eldi aldaǵan áıel ustaldy
ALMATY. QazAqparat - Almaty polıtsııasy Ońtústik Koreıadan jumys taýyp beremin dep ondaǵan adamdy aldap, aqshasyn qoldy etken áıel ustaldy, dep habarlaıdy QazAqparat tilshisi.
Qalalyq Polıtsııa departamentiniń habarlaýynsha, 29 jastaǵy Dına Qurmanova adamdarǵa ózin isker áıel retinde tanystyr,an. Sosyn, Ońtústik Koreıadan jaqsy jumys taýyp beremin dep aldaǵan. Ol úshin áıel qomaqty aqy talap etken.
Qazir atalǵan derekke sáıkes Medeý aýdandyq ІІB sotqa deıingi tergeý jumystary júrip jatyr.
«Áıel jumys berý týraly jarnamany «Olx.kz portalyna jarııalaǵan. Oǵan adamdar habarlasa bastaǵan. Dına sol adamdarmen kezdesip, ózin isker áıel retinde tanystyryp, aldyn ala aqshalaryn alyp ketip otyrǵan. Áıel olardy kúnine 80 dollar qarjy tabasyz dep aldaǵan. Oǵan sengenderdiń kópshiligi jumysynan shyǵyp ketken. Keıin kórsetken ǵajap fotolary men vıdeolarynyń barlyǵy ınternetten júktelip alynǵany belgili boldy. Eń aqyrynda ol telefonyn óshirip, zym-zııa joq bolyp ketken. Bir jaǵdaıda Qurmanova bir klıentinen tolyǵymen ornalasý úshin 1 mln 400 myń teńge alǵan», - dedi Medeý aýdandyq Іshki ister basqarmasynyń basshysy Bolat Totybaev.
Osyǵan baılanysty polıtsııa Dına Qurmanovanyń is-áreketinen zardap shekken adamdar bolsa, 254-48-02; 8-702-619-99-97, 102 nómirlerine habarlasýyn suraıdy.
