Koreıadaǵy jaǵdaıdyń baqylaýdan shyǵyp ketý qaýpi bar
ASTANA. 7 jeltoqsan. QazAqparat - Koreıa túbegindegi jaǵdaı kúnnen kúnge shıelenisip, eger naqty sheshilmese, baqylaýdan shyǵyp ketýi ábden múmkin. Keshe Amerıka Qurama Shtattarynyń Prezıdenti Barak Obamamen telefon arqyly sóılesý kezinde Qytaı Halyq Respýblıkasynyń tóraǵasy Hý Tszıntao osyny málimdedi, dep habarlaıdy RBK.
Qytaı basshysy Qytaı jaǵynyń oryn alyp otyrǵan jaǵdaıǵa qatty alańdaýly ekendigin jetkizdi. Eger shıelenis budan ári ýshyǵatyn bolsa, aımaqtaǵy boljap bolmas oqıǵalarǵa soqtyrýy ábden múmkin. Bul osy taraptaǵy kez kelgen eldiń múddelerine sáıkespeıtini belgili, dep habarlaıdy Qytaıdyń "Sınhýa" aqparat agenttigi.
Hý Tszıntao, atap kórsetkendeı, búgin tańdaǵy basty mindet Koreıa túbegindegi tynyshtyqty qalpyna keltirip, qalyptasqan kúrdeli jaǵdaıdy múmkindiginshe tez beıbit jolmen sheshý bolyp tabylady.
