Koreıadaǵy qazaqstandyqtardan koronavırýs anyqtalsa, jedel aqparat beriledi

NUR-SULTAN. QazAqparat - Ońtústik Koreıa qazaqstandyqtardan koronavırýs anyqtalsa, jedel aqparat beriledi. Bul týraly QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.

«Biz alǵashqy kúnnen bastap-aq Ońtústik Koreıanyń Aýrýlardy baqylaý jáne aldyn alý koreı ortalyǵymen tyǵyz baılanysta jumys istep jatyrmyz. Osy ortalyq qazaqstandyqty aýrýhanaǵa jatqyzýdan jáne testiden ótkizýden bas tartty. Sebebi onda aýrýdyń syrtqy belgileri joq. Sondyqtan ol testileýden ótpeıdi. Degenmen, ózi qalasa, onda jeke tártippen testileýden óte alady», - dedi resmı ókil.

Sonymen qatar, ol Ońtústik Koreıada júrgen qazaqstandyqtar koronavırýsqa shaldyqsa Aýrýlardy baqylaý jáne aldyn alý koreı ortalyǵy shuǵyl habar beretindigin aıtty.

«Eger bizdiń azamattarymyzdyń birinen vırýs anyqtalatyn bolsa, onda atalǵan ortalyq Syrtqy ister mınıstrligi arqyly bizge birden habar beretin bolady. Ázirshe baqytymyzǵa oraı bizdiń qolymyzda mundaı málimet joq», - dedi Aıbek Smadııarov.