Koreıada júrgen qazaqstandyqtar medıtsınalyq mekemelerge júginýden qorqady - Aıbek Smadııarov

NUR-SULTAN. QazAqparat - Ońtústik Koreıada júrgen qazaqstandyqtar medıtsınalyq mekemelerge júginýden qorqady. Bul týraly QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.

«Ońtústik Koreıada júrgen Qazaqstan azamattary ózderiniń mártebesinen qorqyp, medıtsıalyq mekemelerge júginbeýi múmkin. Osyǵan oraı, bizdiń Elshilik Aýrýlardyń aldyn alý jáne baqylaý koreı ortalyǵymen azamattarymyzdyń mártebesine qaramastan kez kelgen medıtsınalyq mekemege júginip, tekserýden ótýine ýaǵdalasty. Koreı taraby bul vırýstyń munan ary taralmaýyna múddelik tanytyp otyr»,- dedi Aıbek Smadııarov.

Aıta keteıik, buǵan deıin QR Syrtqy ister mınıstrliginiń resmı ókili Ońtústik Koreıada 12 myńnan astam qazaqstandyqtyń zańsyz júrgenin málimdegen edi.