Koreıada júk kólikteri soqtyǵysyp, eki adam qaza tapty, altaýy jaraqattandy
SEÝL. YONHAP-QazAqparat – Búgin, 20 mamyrda Seýlde bolǵan jol apatynan jáne sonyń saldarynan ǵımarattyń qulaýynan eki adam qaza taýyp, taǵy alty adam jaraqat aldy, dep habarlaıdy QazAqparat YONHAP agenttigine silteme jasap.
Polıtsııa jáne órt sóndirý bóliminiń habarlaýynsha, Seýldiń ońtústik-batysyndaǵy jolda tańerteń saǵat 11:00 shamasynda eki júk kóliginiń saqtyǵysýy oryn alǵan. Saldarynan olardyń biri kórshiles bes qabatty ǵımaratqa soǵylǵan.
Bes tonnalyq júk kóligi qıratqan qubyrdan gaz shyǵyp, ǵımaratta jarylys bolyp, sońy órtke ulasqan.
Jarylys saldarynan kórshiles bir qabatty ǵımarat qulaǵan. Qıraǵan ǵımarat úıindileriniń arasynan eki áıeldiń máıiti tabylǵan.
Júk kóligi júrgizýshilerin qosa alǵanda alty adam jaraqat alyp, aýrýhanaǵa jetkizildi.
Polıtsııa men órt sóndirý bólimi apattyń sebebin anyqtaýda.
