Koreıada jaýyngerlik IV Azııa oıyndary ótedi

Eki jylda bir uıymdastyrylatyn bul baıraqty básekede 11 sport túri boıynsha 100 medaldar toptamasy sarapqa salynady. Oǵan Qazaqstannan 86 sportshy qatyspaq. Olar shahmat, sporttyq bı, kıkboksıng, mýaıtaı, sýda júzý, kýrash jáne elektrondyq sport túrleri boıynsha 76 medal toptamasy úshin saıysqa túsedi. Al qalǵan 24 medal toptamasy shaǵyn fýtbol, boýlıng, kabadı jáne bılıard sııaqty sport túrlerinde sarapqa salynbaq. El namysyn qorǵaıtyn atletter Seýlge 27 maýsym kúni Almatydan attanbaq.

Jabyq sporttyq keshendegi jaýyngerlik Azııa oıyndary tuńǵysh ret 2005 jyly Taılandtyń Bangkok qalasynda ótken edi. Odan keıin bul baıraqty básekeniń jalaýy 2007 jyly Qytaıdyń Makao, 2009 jyly Vetnamnyń Hanoı qalalarynda kóterildi. Al 2017 jylǵy jarys Túrkimenstannyń Ashhabad qalasynda uıymdastyrylady.