Koreıada MERS vırýsynan ajal qushqandardyń sany 34-ke jetti
ASTANA. QazAqparat - Koreı Respýblıkasynda taıaý shyǵys respıratorlyq sındrom koronavırýsynyń asqynýy saldarynan taǵy bir naýqas kóz jumdy. Yonhap agenttigi habarlaǵandaı, derttiń saldarynan kisi ólimi sońǵy segiz kúnde birinshi ret tirkeldi. Osylaısha, qurbandardyń jalpy sany 34-ke jetti.
Sonymen qatar, birneshe kúnnen beri vırýsty juqtyrýshylar tirkelgen joq. Elde indetke barlyǵy 186 adam shaldyqqan. 811 adam úı karantıninde.
Ońtústik Koreıa aýmaǵynda BVRS-KoV vırýsyn alǵash juqtyrý jaǵdaıy 20 mamyrda tirkeldi. Vırýsty Taıaý Shyǵys elinen sapardan oralǵan KR azamaty ákelgeni anyqtaldy.
