Koreıada MERS vırýsyn juqtyrǵan 185-shi oqıǵa tirkeldi
ASTANA. QazAqparat - Ońtústik Koreıada MERS respıratorlyq vırýsyn juqtyrǵandardyń sany 185 adamǵa jetti.
Eldiń densaýlyq saqtaý mınıstrliginiń málimetinshe, Samsung medıtsınalyq ortalyǵynyń 25 jastaǵy dáriger áıeli bul dertke shaldyqqan.
Vırýstan qurban bolǵandar sany ózgermedi. Іndetti juqtyrǵandardyń 33-i qaza tapty. MERS vırýsyn juqtyrǵan 185 adamnyń 41-i aýrýhanada, 11-niń jaǵdaıy aýyr. 2 myńnan astamy karantınge ilikti, dep habarlady Bı-bı-sı. Boljam boıynsha vırýsty elge Taıaý Shyǵystan oralǵan jergilikti azamattardyń biri ákelgen. Aýrý qarapaıym respıratorlyq ınfektsııa sııaqty bastalady, alaıda aýyr jaǵdaıǵa kúrt aýysyp, ókpege keri áserin tıgizedi. Koronavırýs elde 20 mamyrdan taraı bastady.
