Koreıada kemede bolǵan órt: 11 adam iz-tússiz joǵaldy
ChEDJÝDO. Yonhap-QazAqparat - Ońtústik Koreıanyń Chedjýdo araly jaǵalaýynyń batys jaǵynda balyq aýlaıtyn kemede bolǵan órt saldarynan 1 adam qaza taýyp, 11 adam joǵalyp ketken. Bul týraly QazAqparat Yonhap agenttigine silteme jasap habarlaıdy.
Keme bortynda12 ekıpaj múshesi bolǵan. Órt tańǵa jýyq Chedjýdo araly jaǵalaýynan batysqa qaraı 80 km jerde bolǵan. Aıta keteıik, kemedegi quramnyń altaýy Ońtústik Koreıa azamaty bolsa, altaýy - vetnamdyq.
Joǵalǵan qyzmetkerlerdi izdeý jumystary jalǵasyp jatyr. Koreıa Respýblıkasynyń prezıdenti Mýn Chje In qutqarý operatsııasyna qoldan kelgen barlyq múmkindikti jasaýdy tapsyrdy.
