Koreıada qazaq tili jáne dombyra úıirmesi ashylýy múmkin
Qandastarymyz 2012 jyly óz aldyna «Tomırıs» atty qoǵamdastyq quryp alǵan. Oǵan tańǵy samal elinde otbasyn qurǵan nemese oqýǵa kelgen Qazaqstan azamattary da múshe. Ázirge birlestikte 30-ǵa jýyq adam bar. Barlyǵy qazaqtyń ulttyq meıramdaryn árkez birge toılaıdy.
«Byltyrǵy jyly jazda qazaq eli shaqyryp, besinshi quryltaıǵa baryp kelgenbiz. Sol ýaqyttan beri Koreıada búkil qazaqtardy jınap, bas qossaq degen oı týdy. Árbir adam óz úlesin qosyp otyr. Sol alysta júrsek te, qazaq eli júregimizde», - dedi Koreıadaǵy qazaq dıasporasynyń ókili Esimgúl Túsipbekova.
Ulystyń uly kúninde Seýldegi Jahandyq ortalyqtyń muryndyq bolýymen merekelik dastarqan jaıylyp, kontsert uıymdastyryldy. Qoǵamdastyq aldaǵy ýaqytta Ońtústik Koreıada qazaq tili men dombyra úıirmesin ashýdy josparlap otyr.
«Qazaq tili sabaqtaryn, ókinishke qaraı, áli ótkizip júrgen joqpyz, myqty mamandar da shynymen joq áli. Orys tilin júrgizip jatyr biraq. Endi qazaq mektebin ashsaq, qazaqı úıirmeden bastasaq pa degen maqsatymyz bar. Dombyra sabaǵyn ótkizgenbiz, oǵan endi qazaqtyń azamattary ǵana emes, Koreıa azamattary da kóp qyzyǵýshylyǵyn bildirip otyr», - Koreıadaǵy qazaq dıasporasynyń taǵy bir ókili Dınara Qoshqarbaeva.
