Koreıada COVID-19 juqtyrýdyń táýliktik sany boıynsha antırekord ornatyldy

SEÝL. YONHAP-QazAqparat – Koreıa Respýblıkasynda 17 qarashada táýliginde koronavırýs ınfektsııasyna shaldyǵýdyń 3 290 jańa oqıǵasy tirkeldi, dep habarlaıdy QazAqparat YONHAP agenttigine silteme jasap.

Bul – elde ótken jyldyń qańtar aıynda vırýsqa shaldyqqan birinshi naýqas tirkelgennen beri aýyr dertke ushyraǵandardyń eń joǵary sany, dep máálimdedi Koreıanyń aýrýlardy qadaǵalaý jáne aldyn alý basqarmasynan.

Buǵan deıingi antırekord – 3 270 adam bıylǵy jyldyń 25 qyrkúıeginde tirkelgen. Vırýsqa shaldyqqandar sany 1 qarashada elde kóptegen shekteýler alynyp, halyq burynǵy ómir saltyna ótkennen keıin ósken.

Qaýipti vırýsqa ushyraǵandardyń eń kóp sany – 78 paıyzy Seýl, Inchhon jáne Kengıdo provıntsııasynda. Pandemııa bastalǵaly Ońtústik Koreıada aýrýǵa shaldyqqandardyń jalpy sany 406 065 adamǵa jetken. Aýyr jáne óte aýyr halde jatqan patsıentter sany – 506, táýlik ishinde COVID-19 vırýsynan bolǵan asqynýdan 29 adam kóz jumdy.

Bıylǵy jyldyń aqpan aıynan beri elde vaktsınalaý bastalǵaly eldegi halyqtyń 81,2 paıyzyna ekpeniń birinshi dozasy salyndy, turǵyndardyń taǵy 77,8 paıyzy tolyq vaktsınalanǵan.