Koreıada 29 myń eýro turatyn julyn operatsııasy elordada tegin jasalady
Patsıenttiń aıtýynsha, aǵymdaǵy jyldyń naýryz aıynda oń jaq qoly men oń jaq aıaǵy álsizdenip, uıyp qalyp, mazalaı bastaıdy. Ol turǵylyqty jeri boıynsha nevrologtan em qabyldaıdy, biraq onyń densaýlyǵy jaqsarmaıdy. Kóp uzamaı patsıent moıyn omyrtqasynyń MRT dıagnostıkasyna jiberiledi. MRT túsirimderiniń nátıjeleri boıynsha patsıentke S1-S4 omyrtqalary (kavernoma) deńgeıinde ıntramedýlıarly tamyrly isigi anyqtalady. Іsik bassúıegi negizinde mıǵa ótetin julynnyń ishinde ornalasqan. Іsiktiń ornalasýy óte qıyn jerde bolǵandyqtan, neırohırýrgtardyń asqan sheberligi, zamanaýı jabdyqtar men tehnıka qajet edi. Aıta keteıik, mundaı kúrdeli operatsııany tek Neırohırýrgııa ortalyǵynda ǵana jasaýǵa bolady.
Koreıada Neırohırýrgııa ortalyǵynda jasalǵan dál osyndaı ota úshin menen 29000 evro suraǵan. Alaıda sheteldik dárigerler mundaı operatsııa Qazaqstanda da jaqsy jasalatynyn týraly pikir bildirgen.
Operatsııany atalǵan ortalyqtyń Julyn neırohırýrgııasy, shetki júıke júıesiniń patologııasy bólimshesiniń meńgerýshisi Talǵat Kerimbaev pen neırohırýrg-dáriger Jandos Tuıǵynov jasady.
Talǵat Tynyshbaıulynyń aıtýynsha, operatsııa kezinde anatomııalyq oıyqtardyń boıymen isikke deıin jetý jáne julynnyń ótkizgish joldary men ortalyqtaryna zaqym keltirmeı, ony alyp tastaý birinshi kezektegi mindet bolǵan.
Operatsııa sátti ótti, isik tolyǵymen alynyp tastaldy. 2 táýlikten soń naýqas aıaqqa turdy. Osyndaı joǵary tehnologııalyq negizde jasalǵan kúrdeli operatsııa patsıentke MÁMS aıasynda kvota boıynsha júrgizildi. Patsıent operatsııadan keıingi úıine shyqty.
