Koreıa tarıhynda neshe prezıdent isti bolǵan

ASTANA. KAZINFORM – Ońtústik Koreıanyń saıası tarıhynda isti bolǵan prezıdentter barshylyq. Biri tek ımpıchmentpen qutylsa, ishinde ólim jazasyn arqalaǵandary da bar. Qazirgi prezıdent ıÝn Sok Elge ımpıchment jarııalanǵany týraly aqparat shyqqannan beri halyqaralyq saıası basylymdardyń bári «tańǵy jupar eliniń» tarıhyndaǵy atyshýly prezıdentterdiń saıası ǵumyrnamasyn jarysa jazyp jatyr. Kazinform tilshisi bul oqıǵaǵa sholý jasady.

Ońtústik Koreıa halqynyń, memlekettik júıesiniń demokratııa qundylyqtaryna adaldyǵyn birneshe prezıdentin sotqa tartqanynan-aq kórýge bolady. Áskerge arqa súıep bılik qurǵan Chon Dý Hvan men Ro De Ý ol tizimniń basynda tur.

Chon Dý Hvan 1979 jyly áskerı tóńkeriske qatysyp, Kvandjý qalasynda ereýilshilerdi atqany úshin ólim jazasyna kesilip, keıin ómir boıyna bas bostandyǵynan aıyrylady. Aqyry tipti raqymshylyqqa ilinedi. Al Ro De Ý áýeli 22 jylǵa sottalyp, keıin ol da raqymshylyqqa iligedi.

No Mý Hen esimdi prezıdent 2008 jyly aǵasynyń ústinen qozǵalǵan sybaılas jemqorlyqpen baılanysty iske kýáger retinde tartylyp, ózine qol salady. Al 2018 jyly burynǵy prezıdent Lı Men Bak týysqanynyń sybaılas jemqorlyqpen ustalýyna baılanysty 15 jylǵa bas bostandyǵynan aıyryldy. Dál osy jyly 1979 jyly óltirilgen prezıdent Pak Chon Hıdiń qyzy Pak Kyn He sybaılas jemqorlyqqa urynyp, memlekettik qupııany jarııa etkeni úshin 24 jylǵa sottalǵan.

Eske salsaq, eldegi saıası ahýaldyń saldarynan keshe tústen keıin Ońtústik Koreıanyń qorǵanys mınıstri otstavkaǵa ketken edi. 

3 jeltoqsanda Ońtústik Koreıa prezıdenti ıÝn Sok El elde áskerı jaǵdaı engiziletinin habarlaǵannan keıin saıası aýhal shıelenisken bolatyn. 

Sondaı-aq, Syrtqy ister mınıstriniń orynbasary Álibek Baqaev saıası ahýaly shıelenisken Ońtústik Koreıa men Grýzııadaǵy qazaqstandyqtardyń qaýipsizdigi týraly pikir bildirdi.