Koreıa Respýblıkasyna 2 mıllıon tonna qazaq astyǵy eksporttalatyn bolady - N. Nazarbaev
SEÝL. Sáýirdiń 22-si. QazAqparat /Ernur Aqanbaı/ - Koreıa Respýblıkasyna 2 mıllıon tonna qazaq astyǵy eksporttalatyn bolady, aýylsharýashylyǵy salasyndaǵy yntymaqtastyq keńeıedi. Bul týraly búgin Seýlde Koreıa Prezıdenti Lı Men Bakpen bolǵan kelissózderden keıingi baspasóz máslıhatynda Qazaqstan Prezıdenti Nursultan Nazarbaev aıtty,
dep habarlaıdy QazAqparat.
Elbasy eki eldiń arasyndaǵy joǵary tehnologııalar salasyndaǵy yntymaqtastyqty keńeıtý týraly qol jetkizilgen kelisimderdi aıryqsha atap ótti. «Biz ǵarysh, kólik jáne kommýnıkatsııa, densaýlyq saqtaý salalaryndaǵy birlesken jobalardyń tabysty júzege asatynyna senim artamyz. Sapar aıasynda óte salmaqty bıznes forým ótti. Onda iskerlik qujattarǵa qol qoıyldy, Іskerlik keńesi quryldy», dedi N. Nazarbaev.
