Koreıa Respýblıkasy Prezıdentiniń kitaby qazaq tilinde jaryq kórdi

Aýdarma avtory - jazýshy-pýblıtsıst, qazaqstan-kýba halyqaralyq dostyq qoǵamynyń vıtse-prezıdenti, Qazaqstan jýrnalıster odaǵynyń múshesi Baqytqoja Rústemov.

Shyndyǵynda, Ońtústik Koreıa ekonomıkasynyń qarqyndy damýyn «koreılik ǵajaıyp» dep aıtýǵa bolady. Alaıda Lı Men Bak óz kitabynda munda eshqandaı ǵajaıyptyń joq ekendigin jazady. Kitapqa eń kedeı áleýmettik toptan shyǵyp, jaqsy oqyp, qajyrly eńbek etip, aqyry iri kompanııanyń prezıdenti, sosyn bir eldiń Prezıdenti bolǵan qarapaıym bala týraly áńgime arqaý bolǵan. Mundaǵy máseleniń mánisi ǵajaıypta emes, koreı halqynyń eńbekqorlyǵynda, árkimniń el aldyndaǵy jaýapkershiligin jete sezingendiginde.   

Qazaqstandyq jazýshy ońtústikkoreıalyq prezıdenttiń ómirin bizdiń Memleket basshysynyń taǵdyrymen salystyrǵan.

«Qazaqstan tarıhynda mundaı halyqaralyq dárejedegi úlken pýblıtsıstıkany qazaq tiline aýdarý buryn-sońdy bolmaǵan oqıǵa. Bul kitapty aýdarýǵa meni eshkim qolqalaǵan joq. Lı Men Baktyń osy kitabyn orys tilinde oqyǵan kezde onyń ómir jolynan bizdiń Elbasymyzdyń taǵdyrymen sabaqtastyq kórdim. Nege deseńiz, ol da, bizdiń Prezıdent te - qarapaıym jumysshylardyń otbasynan shyqqan. Aýyldyń qarapaıym balasy óz elindegi eń bıik dárejege jetedi, Nursultan Nazarbaev ta dál osyndaı ómir jolyn júrip ótti. Olardyń taǵdyrlary san qıly. Óıtkeni bir eldi basqarý ońaı sharýa emes. Olardyń ómiri álem jastary úshin úlgi. Lı Men Baktyń ómiri qazaqstandyq jastar úshin úlken ómir mektebi bolar degen úmittemin», - dedi B. Rústembekov QazAqparat tilshisine bergen suhbatynda.

Onyń aıtýynsha, kitaptyń oryssha nusqasyn 2009 jyly oqyp shyǵyp, qazaqshaǵa aýdarǵan. Aýdarma avtorynyń endigi maqsaty osy kitapty qazaqstandyq oqyrmandar arasynda keńinen taratý.