Koreıa Prezıdenti Qazaqstanǵa rızashylyǵyn bildirdi
«Qazir ǵana ótken shaǵyn quramdaǵy kelissózder men keshegi kezdesýde biz ekijaqty qarym-qatynasty, onyń ishinde Koreı túbegindegi Ortalyq Azııadaǵy saıası ahýaldy talqyladyq. Talqylaý qorytyndysy tolyqtaı kóńilimnen shyqty», - dedi Koreıa Prezıdenti.
Osy oraıda, ol Qazaqstan Ortalyq Azııa elderi arasynda joǵary qarqynmen damyp kele jatqan memleket ekendigin basa aıtty. Sonymen qatar, tórtinshi ónerkásip revolıýtsııasy dáýirindegi syn-tegeýirinderge qarsy áreket etýde Koreıa Qazaqstanǵa senimdi seriktes bola alatyndyǵyn atap ótti. Eki eldiń saýda, ınvestıtsııa, ınfraqurylym salalarynan bólek Aqparattyq tehnologııalar, ınnovatsııalyq ónerkásiptik tehnologııalar, medıtsına, ǵarysh salalaryndaǵy yntymaqtastyqty ilgeriletýge múmkinshilik bar ekendigine nazar aýdartty. Munan bólek, Mýn Chje In Qazaqstannyń Koreı túbegindegi beıbitshilikti qalpyna keltirý jáne ahýaldy turaqtandyrýǵa baǵyttalǵan saıasaty úshin rızashylyǵyn bildirdi.
«Qazaqstan Koreı túbegindegi beıbit protseske qoldaý bildirip keledi. Osy múmkinshilikti paıdalanyp, qoldaýlaryńyz úshin rızashylyǵymdy bildiremin. Qazaqstan - bul ıadrolyq qarýdan óz erkimen bas tartqannan keıin ekonomıkalyq damýǵa qol jetkizgen el. Bul Koreı túbegi úshin óte mańyzdy úlgi bola alady. Sizder bul máseledegi tájirıbelerińizben bólisedi dep úmittenemiz», - dedi ol.
