Koreıa Prezıdenti Toqaevqa alǵys aıtty
ASTANA. KAZINFORM - Ońtústik Koreıa Prezıdenti Lı Chje Men Qazaqstan Prezıdenti Qasym-Jomart Toqaevqa jáne Qazaqstan Respýblıkasynyń Ulttyq qaýipsizdik komıtetine qylmystyq top múshelerin ustaý jáne olardy otanyna jedel qaıtarý isindegi yntymaqtastyq úshin alǵys bildirdi.
Bul týraly Ońtústik Koreıa basshysy X áleýmettik jelisindegi jazbasynda jazdy.
— Kambodja men Vetnam arqyly Qazaqstanǵa jasyryn kirip, bizdiń azamattarymyzǵa qarsy telefon alaıaqtyǵyn jasaǵan Koreıa Respýblıkasynyń uıymdasqan qylmystyq top músheleri jergilikti jerde ustalǵannan keıin 2 apta ótken soń tolyqtaı elge qaıtarylyp, qazirgi ýaqytta tergeý amaldary júrgizilip jatyr, — dedi ol.
Ol Koreıa Respýblıkasy azamattarynyń qaýipsizdigi men beıbit ómirine qater tóndiretin qylmysqa qarsy eshqandaı erekshelik jasalmaıtynyn aıtty.
— Ustaý sharasynan bastap elge jetkizýge deıingi jumystyń jedel atqarylýy Qazaqstan Respýblıkasy Prezıdenti Qasym-Jomart Toqaev myrzanyń jáne QR Ulttyq qaýipsizdik komıtetiniń belsendi qoldaýy men yntymaqtastyǵynyń arqasynda múmkin boldy. Prezıdent Qasym-Jomart Toqaev myrzaǵa jáne tıisti taraptarǵa shyn júrekten alǵysymyzdy bildiremiz. Kelesi aıda ótetin «Koreıa Respýblıkasy — Ortalyq Azııa» sammıtinde tikeleı júzdesip, alǵysymyzdy jeke jetkizýge múmkindik bolady dep senemiz. Koreıa Respýblıkasy azamattarynyń qaýipsizdigi men beıbit ómirine qater tóndiretin qylmystarǵa qarsy eshqandaı erekshelik jasalmaıdy. Qaı jerde jasyrynsa da, olardy sońyna deıin izdep taýyp, mindetti túrde zań aldynda jaýapqa tartamyz, — dep jazdy Lı Chje Men.
Kambodja men Vetnam arqyly Qazaqstanǵa jasyryn kirip, bizdiń azamattarymyzǵa qarsy telefon alaıaqtyǵyn jasaǵan Koreıa Respýblıkasynyń uıymdasqan qylmystyq top músheleri jergilikti jerde ustalǵannan keıin 2 apta ótken soń tolyqtaı elge qaıtarylyp, qazirgi ýaqytta tergeý amaldary… https://t.co/C4kcfCQXmK
— 이재명 (@Jaemyung_Lee) August 11, 2026
Aıta ketelik halyqaralyq izdeýdegi Ulan Baıbolov Koreıadan Qazaqstanǵa jetkizilgen edi.
