Koreıa prezıdenti Qazaqstannan soń Ózbekstanǵa memlekettik saparmen bardy
TAShKENT. KAZINFORM – Ońtústik Koreıa prezıdenti ıÝn Sok Eldiń Ózbekstanǵa memlekettik sapary bastaldy, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Koreıa basshysy men onyń jubaıyn áýejaıdan Ózbekstannyń premer-mınıstri Abdýlla Arıpov qarsy aldy.
Sapar barysynda ıÝn Sok El Tashkentte Ózbekstan basshysy Shavkat Mırzıeevpen kezdesý ótkizbek. Onyń qorytyndysy boıynsha birlesken qujatqa qol qoıý josparlanǵan.
Keıin eki el basshylary ózbek-koreı bıznes forýmyna qatysady, sondaı-aq byltyr Koreıa halyqaralyq yntymaqtastyq agenttiginiń (KOICA) qoldaýymen ashylǵan u-Enter ınnovatsııalyq kásipkerlik ortalyǵynyń jumysymen tanysady.
Buǵan qosa, Ońtústik Koreıa men Ózbekstan arasyndaǵy mańyzdy shıkizatty jetkizý jónindegi yntymaqtastyq máseleleri talqylanbaq.
Sapar sońynda ıÝn Sok El jubaıy Kım Kon Hımen birge Samarqand qalasyna barady.
Eske salsaq, 11-13 maýsym kúnderi Koreıa prezıdenti ıÝn Sok El Qazaqstanǵa memlekettik saparmen kelgen edi.
