Koreıa men Ortalyq Azııa elderi yntymaqtyń jańa jolyn tabýǵa umtylady - ıÝn Sok El
ASTANA. KAZINFORM – Koreıa Respýblıkasy men Ortalyq Azııa elderi yntymaqtyń jańa jolyn tabýǵa umtylady. Bul týraly Aqordada Memleket basshysy Qasym-Jomart Toqaevpen keńeıtilgen quramdaǵy kelissóz barysynda Ońtústik Koreıa Prezıdenti ıÝn Sok Elmen aıtty.
Óz kezeginde ıÝn Sok El Qazaqstan Prezıdentimen alǵash ret ótken jyldyń qyrkúıeginde Nıý-Iorkte kezdeskenin eske alyp, Astanada taǵy da júzdeskenine qýanyshty ekenin aıtty.
«Bıyl Koreıa Respýblıkasy men Qazaqstan arasyndaǵy strategııalyq seriktestiktiń 15 jyldyǵyn atap ótemiz. Sondyqtan da bul memlekettik saparǵa aıryqsha mán beremiz. Koreıa Respýblıkasy men Qazaqstan dıplomatııalyq qarm-qatynas ornatylǵan 1992 jyldan bergi 32 jyldyń ishinde ekijaqty qatynasty aıtarlyqtaı damytýǵa qol jetkizdi. Búginde kóptegen koreılik kompanııa Qazaqstan naryǵynda tabysty jumys istep, ekonomıkany, ónerkásipti damytýǵa, memlekettik ınfraqurylymdy keńeıtýge óz úlesin qosyp otyr. Munan bólek, biz eki el arasyndaǵy asa mańyzdy mıneraldy resýrstar, energetıka, gýmanıtarlyq jáne mádenı alys-beris salalaryn qosa alǵandaǵy yntymaǵymyzdyń kókjıegin keńeıtip kelemiz. Ekologııa, medıtsına, bilim salalaryndaǵy yntymaq kún saıyn qarqyndy damyp keledi», - dedi Koreıa Prezıdenti.
Mártebeli meıman óziniń Ortalyq Azııaǵa sapary qarsańynda Koreıa Respýblıkasynyń Úkimeti Koreıanyń OA elderine qatysty alǵashqy dıplomatııalyq strategııasyn jarııa etkenin aıtty. Strategııa Koreıa Respýblıkasy – Ortalyq Azııa yntymaqtastyq bastamasy dep atalady.
«Atalǵan bastama yntymaqtastyqtyń 3 qaǵıdatyn qamtıdy: seriktesý, birigý jáne jasampazdyq. Koreıdiń aldyńǵy qatarly tehnologııalary men tsıfrlyq múmkindikterine arqa súıeı otyryp, Koreıa Respýblıkasy men Ortalyq Azııa elderi yntymaqtyń jańa jolyn tabýǵa umtylatyn bolady», - dedi ıÝn Sok El.
